Xinkan kuy im'an na mu'historia ɬik tuuru'. na tuuru' na muɬa uy, kuy im'an na mu'historia. Gloss_English ‎‎I will tell you the story of Tuuru's Tuuru that is the the gaurdia of the water, I wll tell you his story

Xinkan pues na mu'historia muɬa uy akuk'i naɬ ɬik hi' y wašta' ša k'aɬ maku neeɬa ik'aɬ huurak y niway nah posada. Gloss_English well the story of the water gaurdian; they were walking and were entered into a house of a man and asked him for a place to stay

Xinkan entonces ar'ay' t'uur'iiɬi par'a k'aɬ paaw'ak y na nah en cuanto pul'ay doce kuur'uk y yar'uy ti' rama paawak. Gloss_English ‎‎then he (the man) sent the tuuru's below a ceiba tree and they made twelve beds and hung (thme) on a branch of the tree

Xinkan entonces wirik'iy naɬ paawak huurak. imay ke "p'uusu ki' paawak, p'uusu ki' paawak" Gloss_English ‎‎then the man was speaking about the tree ‎‎he said that "just bend the tree just bend the tree"

Xinkan imey nah paawak. y Gloss_English he said to them about the tree

Xinkan na paawak kumu ke netka' y uuɬu' ša naru y kumu na t'uur'iiɬi tik'iɬa' ɬik par'a paawak y asɨk tiik'i paɬ naɬ hi' t'uur'iiɬi kuuru' nah y k'ɨy'ay' y k'atay'ay ša kuur'uk Gloss_English and the tree like that it was pushed and it was fallen to the ground and as the tuurus slept below the tree and when they were already asleep the tuurus were ran and picked (it) up layed it down in the yagual.

Xinkan entonces na nah waak'a' ɬik ša šaaru a'ipal'a. Gloss_English then they went to the ocean/river to wash

Xinkan "nda' ipal'a asɨk ku yak ta', šurumu kuy šuk'ak. cualquiera de šurumu kuy šuk'ak". Gloss_English let's [This is CHIQUI] bath when we are going to come back, we will eat a young man whatever young mand we will eat

Xinkan "pues bueno" hi' nah waak'a' ɬik ipal'a y entonces apeɬteme ɬik na'aɬ. Gloss_English well okay, they responded they went and bathed and then they were returning

Xinkan y hooroy nah ik'aɬ šuraya ke mutunat'i naɬ hararih kɨɨwɨh y haani' marimba naɬ kaw'ih. Gloss_English and a woman had it that she was playing her shin bone and like a marimba it was shouting

Xinkan y entonces na tuuru' asɨk tuumu' its'iɬa' ɬik ɬik šurum'uuɬi ɨran tawu muyɨk'ɨša naɬ kuur'uk ša naɬ hi' porque ša ts'ɨrwɨ rama naɬ suk'uy tumuki' kuur'uk huurak. Gloss_English and then the tuuru when they were finally awake a big wind was rocking the yagual where they were because in the simplest? branch the man tied up all the yagual

Xinkan entonces entre de šurum'uuɬi mupar'a naɬ ču kɨr'ɨh. "ka' hi' ču kɨr'ɨn 'ay?, ka' hi' ču kɨr'ɨn? čɨkɨyɨn! y čɨkɨyɨn!" Gloss_English ‎‎then among the young men he was looking for his little brother where is I little brother? where is my little brother?

Xinkan hin naɬ atero' pur'iy nah. entonces al fin de tanto pur'iy' nah šuy'akaɬi i imay nah ke, "ɬɨk'ay'a neeɬek". Gloss_English nobody wanted to answer him

Xinkan "hm. han-da' aɬi katik'iɬa' naka pues? na nen' hin ntik'iɬa' hin ɬaray'ay nen' ša paawak." Gloss_English why did you sleep?

Xinkan "ah, ɬɨk'ɨy'a neeɬek hombre kuy par'ak kooko' neɬa kašuk'a. kuy ɬɨp'ɨk naka. hin kuy nuk'ak ke ka'akuk'i."

Xinkan pues en fin na tuuru' wirkiy na paawak. imay nah, "p'uusu ki' paawak. p'uusu ki' paawak." en cuanto weskey kikih ša naru

Xinkan y saak'a paawak šiki' huurɬay kikih. entonces na šuraya tup'ay' ša maku tunat'i kɨɨwɨ harari naɬ hi' pero hararih kɨɨwɨh na'aɬ.

Xinkan y imay nah tuuru', "kuy im'a kan nah ke mutunat'i mumarimba. si nah mutum'u mutunat'i mumarimba ku y'an kawi' nen'.

Xinkan asɨk mu'uk'a seguir tunat'i pues ɬɨknɨy ɬik tumuki' šuy'akaɬi y mu'im'a nah nah, "tundi ki' kamarimba, pues".

Xinkan y donde mu'uk'a naɬ seguir tunat'i mumarimba tuupa' ts'ih na tuuru'. y asɨk hin paɬ mutunat'i na'aɬ mu'uk'a naɬ seguir kaw'ih.

Xinkan y entonces imey nah, "nuk'a nah ču kɨr'ɨn wa' tunt'iy' kamarimba". "ah, hin porque muter'o nen' ".

Xinkan "hin hombre como ke kuy ter'o naka čɨrɨkɨ' k'aɬ ču kɨr'ɨn?" pues al fin ɬɨknɨy y nuk'ay nah mu'uuli. tuuyu' tunat'i yuhk'a' ki'.

Xinkan nuk'ay nah hina' tumuki' humukih. ter'oy' hina' uuli.

Xinkan pues nah šurum'uuɬi pul'ay' ɬik na almuerzo k'aɬ paats'i hi' k'aɬ šuwik'i hi' otro wawɨy'a uy hi'.

Xinkan y tum'uy šip'i šah šuraya y pul'ay na ašuka' šuraya y tup'ay map'u neɬa mu'almuerzo.

Xinkan asɨk nak paɬ tumuki' waak'a' ɬik tɨšk'ɨ y na tuuru' imay na šuy'akaɬi, "tur'a pe' pir'ik pari, tur'a pe' pir'ik pari". uk'ay na huutuk ti'ih.

Xinkan hin naɬ mu'araki ša mupir'ik pari.

Xinkan imay šiki', "tur'a pe' na mu'urtuk porque si hin kuy ɨyk'ɨy neeɬek en ke tɨšk'ɨ paɬ aku' pues na mupir'ik pari o na mu'urtuk uk'ay nah k'aɬ maseeta naki pišku' naki.

Xinkan asɨk nah paɬ tumuki' waak'a' ɬik tɨšk'ɨ pues donde imay, "tur'a pe' npir'ik pari",

Xinkan imay nah sipani, kuuru' mu'ukšaya y tur'ay nah mupir'ik pari hin naɬ mupir'i ts'ama.

Xinkan pero imay ke, "tur'a pe' n'urtuk. iikamaakuh ɬik tɨšk'ɨ paɬ hi' akuh."

Xinkan pues ɨykɨy na mu'urtuk y asɨk uk'ay pensar urt'uy' maseeta naki akuɬa šan šahah. ki si mas atero' uk'ay pišku naki.

Xinkan bueno pues entonces na tuuru' imay nah šuy'akaɬi, "sam'u kika hina' graw'a hina' hutu porque ku paɬ hi' ɨyk'ɨy' neeɬek".

Xinkan y waak'a' ɬik pues tɨšk'ɨ. e tuupa' ša otro maku uuka' naɬ k'aɬ p'et'e hur'u.

Xinkan y asɨk mup'unuɬa kikih p'et'e hur'u ki mutrueno naɬ pul'ay. y otro pari hin paɬ mu'uk'a naɬ tronar asɨk mup'unuɬa naɬ kikih hur'u.

Xinkan oor'o p'iššš! naɬ pul'ay', oor'o p'iššš! ah pues kuy pir'ikan ke tur'ey na išiwa ih hur'u šurum'uuɬi man.

Xinkan AY HIJO DE SESENTA PUTAS, HM

Xinkan bueno pues idyay waak'a' ɬik y waak'a' ɬik y entonces akuk'i naɬ hi' ša šahah sanhon ɬɨk'ɨy' k'aɬ šuwayi

Xinkan y imay nah ke, "nda' wak'i. nda' wak'i nda' wak'i bola". "ah, hin, porque kater'o nen'', imay nah šuwayi.

Xinkan "hin hombre. hin nder'o naka". "bien kater'o nen' ". al fin ɬɨknɨy šuwayi y imay nah ke wa' ki' wak'i ɬik pues. y uk'ay ɬik

Xinkan UNA DE TANTO nuk'ay nah šuuruk ša mukrus mut'um'ay y ter'oy'. e asɨk ter'oy' ɬik išapiy na elahah.

Xinkan y p'ašp'ay' ɬik kikih doce tanto išpa' ša elahah šuwayi.